لما ببص لنفسى فى المرايا 

بستغرب جدا !

بستغرب ان البنت اللى فى المرايا دى هى اللى بتتكلم 

و ان البنت اللى فى المرايا دى هى اللى بيدور فى داماغها كل الأفكار دى 

بستغرب اوى 

لما ببص فى المرايا .. بشوف بنت جميلة و كبيرة ناضجة .. انثى 

مش بدرك بسرعة ان هى هى دى نفس البنت اللى من شوية كانت بتتكلم فى التليفون 

و بتقول الكلام ده 

و ان هى دى نفس البنت اللى اداءها بالشكل ده فى الموقف ده 

و ان دى نفس ذات البنت اللى سمحت لناس معينة بمساحات معينة من حياتها 

و ازاى هى عملت كده 

فادايق

واشعر بكم من النرجسية مش طبيعية 

و بعدين لما ابعد عن المرايا تقل شوية 

بس اول ما اعدى تانى من قدام المرايا

ترجع !